சமீப காலமாக செயற்கை நுண்ணறிவு (AI) தொழில்நுட்பம் வேகமாக வளர்ந்து வருகிறது. இதனால் பல மாணவர்கள் மற்றும் இளைஞர்கள் தங்களது வேலைவாய்ப்புகள் பாதிக்கப்படுமோ என்ற அச்சத்தில் உள்ளனர். சில பட்டமளிப்பு விழாக்களில் தொழில்நுட்ப நிறுவன தலைவர்களுக்கு எதிராக மாணவர்கள் எதிர்ப்பு தெரிவித்துள்ளனர். இந்த சூழ்நிலையில் மைக்ரோசாஃப்ட் நிறுவனத்தின் தலைவர் Brad Smith தனது கருத்தை பகிர்ந்துள்ளார். மாணவர்களின் கவலையை தான் புரிந்துகொள்கிறேன் என்றும், அவர்களது அச்சம் முற்றிலும் தவறானது அல்ல என்றும் கூறியுள்ளார். அவரின் கூற்றுப்படி, தொழில்நுட்ப துறையில் பல ஆண்டுகளாக இரண்டு முக்கிய தவறுகள் தொடர்ந்து நடைபெறுகின்றன. முதலாவது, புதிய தொழில்நுட்பங்கள் மிக வேகமாக உலகம் முழுவதும் பரவிவிடும் என்று நம்புவது. இரண்டாவது, மனிதர்களின் திறமையையும் தகுந்த மாற்றங்களை ஏற்றுக்கொள்ளும் ஆற்றலையும் குறைவாக மதிப்பிடுவது. AI வளர்ச்சி காரணமாக சில வேலைகளின் தன்மை மாறலாம். ஆனால் அனைத்து வேலைகளும் உடனடியாக மறைந்து விடாது என்று அவர் விளக்கினார். மாறாக, புதிய வகை வேலைகளும் புதிய திறன்களுக்கான தேவைகளும் உருவாகும் என்றார். மேலும், AI வளர்ச்சியால...

தமிழகத்தில் கல்வி நிலையங்களில் சமத்துவம் மற்றும் ஒற்றுமையை நிலைநாட்டும் நோக்கில் பள்ளி மற்றும் கல்லூரி வளாகங்களில் சாதி, மத அடையாளங்களை வெளிப்படுத்தும் சின்னங்களுடன் யாரும் வரக்கூடாது என அமைச்சர் ராஜ்மோகன் தெரிவித்துள்ளார். அவரது இந்த கருத்து தற்போது கல்வி வட்டாரங்கள், சமூக அமைப்புகள் மற்றும் பொதுமக்கள் மத்தியில் பரவலான விவாதத்தை ஏற்படுத்தியுள்ளது. சமீபத்தில் நடைபெற்ற செய்தியாளர் சந்திப்பில் பேசிய அமைச்சர் ராஜ்மோகன், கல்வி நிறுவனங்கள் என்பது மாணவர்கள் அறிவைப் பெறும் இடமாக மட்டுமல்லாமல், நல்லிணக்கம் மற்றும் மனிதநேயத்தை கற்றுக்கொள்ளும் இடமாகவும் இருக்க வேண்டும் என்றார். மாணவர்களிடையே சாதி மற்றும் மத வேறுபாடுகள் உருவாகாமல் இருக்க கல்வி வளாகங்களில் அனைவரும் சமமாக நடத்தப்பட வேண்டும் என்பதே அரசின் நோக்கம் என்றும் அவர் விளக்கமளித்தார். மேலும், மாணவர்கள் மற்றும் ஆசிரியர்கள் சாதி அல்லது மத அடையாளங்களை வெளிப்படுத்தும் வகையில் கயிறுகள், சின்னங்கள் அல்லது வேறு அடையாளங்களை அணிந்து வருவது தேவையற்ற பிரிவினை உணர்வுகளை உருவாக்கும் அபாயம் உள்ளதாகவும் அவர் குறிப்பிட்டார். கல்வி நிலையங்களில் மாணவர்களின் க...